Giduso sa Sangguniang Panlalawigan sa Bukidnon ang pagpasaka og kriminal nga kaso batok sa mga organizers ug partisipante sa Boss Ironman Motorcycle Challenge 2026 human sa sunod-sunod nga mga aksidente ug peligro nga gidala niini sa publiko.
Sa eksclusibong pakighinabi sa Bombo Radyo kay Atty. Oliver Owen “Babba” L. Garcia, Councilor sa Valencia City ug aktibong partisipante sa fact finding hearing, ang assessment sa Philippine National Police (PNP) nagpakita nga ang maong endurance challenge nahimong racing sa pampublikong kadalanan.
Isip tubag sa maong hitabo, tulo ka mga mahinungdanong resolusyon ang gipalabang sa SP diin pormal nga gikondena ang maong event ug gihangyo ang PNP nga ipadayon ang pagpasaka og kriminal nga kaso batok sa mga riders ug i-apil ang mga organizers sa maong tulubagon.
Giawhag usab sa Sangguniang Panlalawigan ang mga mayor sa mga syudad ug lungsud sa Talakag, Lantapan, Maramag, Don Carlos, Kitaotao, Dangcagan, Kibawe, Damulog ug Valencia sa pagpagawas sa ilang mga CCTV footage aron mailhan ang mga riders nga naglapas sa traffic rules ug magamit kini isip ebidensya sa kaso.