Ipasubasta sa Bureau of Customs (BOC) ang walo ka mga nasakmit nga luxury cars gikan sa mga kontrobersyal nga contractor nga sila si Curlee ug Sarah Discaya karong umaabot nga Pebrero 11.
Matud pa sa BOC, lakip sa mga mahalong sakyanan nga i-auction mao ang Lincoln Navigator 2024, GMC Yukon Denali 2022, Cadillac Escalade 2021, Maserati Levante Modena 2022, GMC Yukon XL Denali 2022, Cadillac Escalade ESV 2022, Rolls-Royce Cullinan 2023 ug Bentley Bentayga 2022.Gawas sa maong mga unit,lakip usab nga i-subasta ang usa ka Blue Bugatti Chiron 2017 ug usa ka Red Bugatti Chiron 2019.
Gipahibalo sa ahensya nga abli ang public viewing sa maong mga sakyanan sugod sa Pebrero 5 hangtod 6.
Kahinumduman nga niadtong Nobyembre, tulo na sa pito ka luxury vehicles nga nasakmit gikan sa pamilyang Discaya ang malampusong nabaligya sa usa usab ka public auction.