Gipusil sa wala mailhing duha ka suspek ang usa ka 60-anyos nga lalaki sa Purok 5, Brgy. Danggawan, Maramag, Bukidnon alas 8:45 sa buntag, Enero 26, 2026, hinungdan sa iyang kamatayon.
Sumala sa Maramag MPS, ang mga suspek sakay sa itom nga motorsiklo nga walay plaka miangkon nga maghatod og parcel. Human madawat sa biktima ang pakete, kalit siyang gipusil sa usa ka suspek samtang gitutokan og pusil ang trabahante sa biktima. Bisan wala maigo sa unang tira, gigukod ang biktima ug gipusil pag-usab sa ulo. Midagan dayon ang mga suspek paingon sa wala mahibaloi nga direksyon.
Gidala pa ang biktima sa balay tambalanan apan gideklarang dead on arrival. Nakarekober ang SOCO ang tulo ka basiyo sa bala ug usa ka bala sa .45 caliber pistol, samtang padayon ang imbestigasyon aron mailhan ang mga suspetsado.