Ekonomiya sa Pilipinas, gilaumang muhinay karong 2026 tungod sa isyu sa korapsyon ug Kalamidad — AMRO

Gipaubos sa ASEAN Macroeconomic Research Office (AMRO) ang ilang banabana sa paglambo sa ekonomiya sa Pilipinas alang sa tuig 2026.

Kini human masinati ang hinay nga pag-uswag sa niaging tuig dungan sa mga kontrobersiya sa korapsyon ug mga epekto sa kalamidad.

Sa labing bag-o nga taho sa AMRO, mikunhod ang forecast sa Gross Domestic Product (GDP) growth sa nasud ngadto sa 5.3% gikan sa unang target nga 5.5%.

Gikataho usab nga niadtong 2025, niabot lang sa 5.2% ang paglambo sa ekonomiya, nga mas ubos sa gilauman sa administrasyong Marcos nga 5.5 hangtod 6.5%.