Gipadayag ni Interior Secretary Jonvic Remulla ang iyang hugot nga pagsupak sa giingong “dili makatarungan” nga pasangil sa giingong nahibalo na ang Philippine National Police (PNP) kon asa nagatago ang negosyanteng si Atong Ang aron makuha ang P10-milyon nga gitanyag alang sa iyang pag-aresto.
Gipamatud-an ni Remulla nga dili makatarungan nga ipalangan pa sa mga awtoridad ang pagdakop kang Ang kung kahibalo na sila kon asa kini anaa, labi na nga ang pabuya naggikan mismo sa iyang opisina.
Sumala kang Remulla, nagpatuman ang mga awtoridad og tulo ka mga raid sa miaging duha ka adlaw base sa impormasyon gikan sa mga informant, apan wala’y bisan unsang positibong resulta.
Gidugang sa kalihim nga bisan pa man walay kumpirmadong impormasyon nga nakaikyas si Ang paingon sa gawas sa nasud.
Gipahibalo usab nga makigkoordinar ang PNP chief sa Interpol aron mahibal-an kon adunay mga sightings si Ang sa ubang nasud, ilabi na sa Southeast Asia.
Miangkon si Remulla nga posibleng masayon alang kang Ang ang pagtago tungod sa iyang kadato, apan giinsister niini nga mas labaw ang kapasidad sa gobyerno.
Sa miaging semana, gipahibalo ang P10-milyon nga tanyag alang sa bisan kinsang impormasyon nga makatultol sa pag-aresto kang Ang samtang nagpadayon ang halapad nga operasyon sa pagpangita kaniya.