Men’s Football Team sa nasud, makigsangka sa Thailand sa ASEAN Football Championship

Makigsangka ang Philippine Men’s Football Team batok sa nasud sa Thailand sa group stage sa ASEAN Football Championship karong umaabot nga bulan sa Hulyo.

Base sa gipahigayon nga draw, nahimutang ang Pilipinas sa Group B uban ang Thailand, Myanmar, ug Laos.

Kahinumduman nga niadtong tuig 2024, napildisa Thailand ang Pilipinas sa score nga 4-3 atol sa semifinals round sa maong torneyo. Sugod niadtong 2018, mao kadto ang unang higayon nga nakasulod ang Pilipinas sa semifinals.

Naglaum karon si Philippine Men’s Football Team head coach Carles Cuadrat nga mabalik ang garbo sa nasud ug makuha ang kadaugan batok sa maong lig-on nga koponan.