Nakaplagan ang usa ka patay’ng lawas duol sa bag-ohay lamang gibuksan nga dalan sa Purok 9, Sitio Kipolot, Barangay Palacapao, Quezon, Bukidnon.
Base sa impormasyong nakalap sa Bombo Radyo Malaybalay, nakadawat og tawag ang kapulisan sa Quezon gikan sa usa ka concerned citizen kabahin sa napalgan nga patay’ng lawas sa kasagbutang bahin sa pangpang kilid sa highway.
Pag-abot sa mga kapulisan sa lugar, nakaplagan ang usa ka lalaking nakakulob nga wala nay senyalis sa kinabuhi.
Gikataho nga ang biktima gikan sa tagay kauban ang mga higala diin miuna matud pa kini sa pag-uli.
Pagkabuntag sa misunod nga adlaw, naalarma ang pamilya gumikan wala nakauli ang biktima ug gipangita kini.
Gisulayan pa sa pagdala sa balay tambalanan ang biktima apan gideklara kini dead-on-arrival.
Nasayran nga nakaangkon og samad sa ulo ang biktima tungod sa pagkahulog sa pangpang nga miresulta sa kamatayon niini.
Gani, gikumpirma sa doktor nga wala’y indikasyon sa foul play ang nahitabo.