Nasaksihan ang unang higayon sa pagbukad ug pagpamulak sa usa sa pinakadako ug pinakatalagsaon nga mga bulak sa kalibutan, ang Rafflesia, sa Barangay Salucot, Talakag, Bukidnon.
Aron mapanalipdan kining makasaysayanong pagkadiskobre, usa ka site visit ang gihimo ni Municipal Administrator Alberto Bigcas, kauban ang mga personahe sa Department of Environment and Natural Resources (DENR) nga mao sila Earljan Alicer, Forest Technician II, ug ang Data Management Specialist nga si Sylvan Vincent Baldon.
Lakip sa pagtuki ug pagbisita sa maong dapit ang mag-uuma nga nakadiskubre sa bulak, nga Junefer Boongan.
Ang pagbisita nagtumong sa pagdokumento ug pagtimbang sa Rafflesia bloom, samtang naghimo usab og plano ang LGU ug DENR sa pagpanalipod sa lugar diin mibukad ang bulak.
Kining hiniusang paningkamotug nagtinguha nga mapreserbar ang maong tanom ug mapanalipdan ang palibot, ilabina kini usa ka timaan sa unang natala nga Rafflesia bloom sa Talakag.