Hingpit nga naapektuhan ang ekonomiya sa Bukidnon tungod sa nahugno nga bahin sa dalan sa lungsod sa Quezon, Bukidnon nga usa ka mahinungdanong agianan sa mga mag-uuma, negosyante ug biyahero nga nagdala og mga produkto sama sa mais, humay, utanon ug prutas padulong sa mga merkado sa lain-laing lungsod ug probinsya.
Rason nga misamot ang kalangan sa biyahe, misaka ang gasto sa transportasyon ug naapektuhan ang kita sa daghang sektor.
Sumala ni Forts Cabarde, Public Information Officer sa Quezon, Bukidnon, dako matud nga kantidad ang naalakanse gumikan niini apan karun matapos na ang maong problema human panguluhan ni DPWH Secretary Vince Dizon, ang pag-abli sa detour road aron mapadayon ang hapsay ug luwas nga biyahe sa mga motorista ug biyahero.
Lakip na ang pagpaayo sa dagan sa transportasyon sa mga produkto, nga gikalipay sa katawhan tungod kay gilauman nga mobalik na sa normal ang kalihukan sa ekonomiya ug pagbiyahe sa probinsya.