Nag-una si kanhing Ako Bicol Representative Zaldy Co sa unang batch nga pasakaan og kaso sa Sandiganbayan nga may kalabutan sa anomaliyang flood control projectskarong umaabot nga bulan sa Nobyembre.
Kini ang gibutyag ni Ombudsman Jesus Crispin Remulla human sa padayon nga pagsusi sa imbestigasyon sa irigularidad sa mga proyekto ug isyu sa korapsyon sa na sanud.
Matud ni Remulla, dako ang iyang pagtuo nga lakip ang ngalan ni Co sa unang batch sa mga pasakaan og kaso, uban sa ubang kongresista diin anaa usab sa listahan nga may kalambigitan sa maong isyu.
Base sa testimonya sa mga kanhing district ug assistant engineers, gibulgar nga si Co nalambigit sa P35 bilyon nga budget insertions gikan 2022 hangtod 2025 nga may kalabutan sa mga proyekto sa flood control sa Bulacan.
Gipasabot sa Ombudsman, kini nga mga kaso maoy unang lakang aron mahatagan og hustisya ang paggamit sa pondo sa gobyerno nga gikaingong giabuso sa pipila ka mga opisyal.