HomeLocal NewsIndex crime sa Region 10, mikunhod sa 21 porsyento! - PRO10

Index crime sa Region 10, mikunhod sa 21 porsyento! – PRO10

- Advertisement -

Gipasigarbo sa Police Regional Office 10 ang 21 porsyentong pagkunhod sa index crime rate sa rehiyon.

Sa eksklusibong pakighinabi sa Bombo Radyo Malaybalay kang PMaj. Joann Navarro, tigpamaba sa Police Regional Office 10, giklaro niini nga ang maong kalampusan bunga sa mga hugot nga pagpatuman sa mga operasyon ilawom sa bag-ong liderato ni Police Brigadier General Christopher C. Abrahano, ang bag-ong Regional Director.

Giklaro usab ni PMaj. Navarrp, nga ang pag-ilis sa liderato sa PRO-10 usa ka normal nga proseso sa organisasyon ug kabahin sa internal nga paglihok sa PNP, nga nagsubay sa prinsipyo sa chain of command.

- Advertisement -

Gani, gipanghingusgan karon ang kampanya batok sa kriminalidad sama sa pagpahigayon og intensified patrolling, pagtuman sa 3-5 minute response time, pagpasiugda sa cross-border investigation, ug ang mas gipakusgan nga pagpanglambigit sa katawhan alang sa community-based policing and patrolling.

Gibutyag ni PMaj. Navarro, nga ang mga lakang nga gihimo sa kasamtangang liderato ug sa mga nakalabay nga administrasyon sa kapulisan maoy naghatag ug dakong kontribusyon sa pagkunhod sa insidente sa index crimes sa rehiyon.

Ang PRO-10, nagpadayon sa pagpatuman sa mga programa ug estratehiya nga nakasentro sa kahusay, kalinaw, ug kasiguruhan sa katawhan sa Northern Mindanao.

- Advertisement -
RELATED ARTICLES
- Advertisment -

MORE NEWS