Pormal ng mipasa sa resignation letter si Senate President Pro-Tempore Ping Lacson ngadto kang Senate President Vicente “Tito” Sotto III aron ipahibalo ang iyang pagnaog sa pwesto isip chairman sa Senate Blue Ribbon Committee, nga nag-imbestigar sa maanomalyang flood control projects.
Sa maong sulat nga gipadala kang Sotto, gibutyag ni Lacson nga ang iyang pagnaog resulta sa mga alegasyon ug pagkadismaya sa pipila ka mga senador bahin sa direksyon sa imbestigasyon sa komiteba.
Matod pa niini, adunay ubang senador nga nagtuo nga gina- punterya sa komite ang pipila ka miyembro sa Senado, samtang gipanalipdanang uban nga miyembro sa Kamara nga nalambigit sa kontrobersiya. Gipamatuod ni Lacson nga patas ug walay pinalabi ang imbestigasyon ug gibase lamang kini sa ebidensya ug kamatuoran.
Iyang gipasabot usab nga wala siyay pulitikal nga interes sa iyang mga aksyon ug wala siyay plano nga modagan sa bisan unsang posisyon pagkahuman sa iyang termino sa 2031.