Modula gilayon ang Pinay tennis star nga si Alex Eala makigtigi sa Wuhan Tennis Open sa China karong adlawa.
Kini human napakyas nga makadaog sa Suzhou WTA 125 quarterfinals batok ni Viktorija Golubic sa Switzerland sa iskor nga 2-6, 6-2, 6(0)-7.
Taliwala sa paningkamot sa 20-anyos nga si Eala nga makabawi hangtod sa kataposang set, napildi gihapon kini sa final round.
Human sa dula, mibyahe gilayon kini sa Wuhan China alang sa laing torneyo.
Sa unang hugna,makasangka niini si Moyuka Uchijima sa Japan, nga dulaon sa alas-5 sa hapon karong Oktubre 4.
Ang 24-anyos nga Japanese player adunay career ranking nga 47, diin kni adunay 13 ka titulo sa singles ug 11 sa doubles.
Kasamtangang kini ang ika-duhang nga labing maayo nga mangdudula sa Japan.
Ang nasangpit nga torneyo salmotan sa pipila ka dagkong pangalan sa tennis sama nila Aryna Sabalenka, Iga Swiatek, Coco Gauff ug uban pa.