Gipasiugda ang kabalaka sa nagpadayon nga apektado nga kahimsog sa panghunahuna ug estado sa kinabuhi sa daghang trabahante tungod sa wala gihapoy pagtaas sa suholan sa nasud, nga mahimong mosangpot sa pagkunhod sa ilang produktibidad.
Sa pakighinabi sa Bombo Radyo Malaybalay atol sa programang Doctor Bombo, gibutyag ni Percival Velez Batar, program director, Certified Psychotherapist nga usa sa importante nga bahin sa corporate world mao ang pagtagad sa mental health sa empleyado, apan kini kasagarang mahatagan og prioridad sa mga tagdumala sa kompanya.
Gidugang pa nga kon magpadayon ang maong sitwasyon, posible nga maapektuhan ang panghunahuna, aksyon, ug pagbati sa trabahante nga direkta na usab makaapekto sa kalidad sa trabaho.
Sa laing bahin, gipasabot sa usa ka eksperto nga ang pag-atiman sa mental health dili lamang usa ka personal nga obligasyon apan responsibilidad usab sa organisasyon aron masiguro ang malungtarong paglambo sa trabaho ug kompanya.