Usa ka talagsaong panghitabo ang gikalingawan karon sa kadaghanan, gumikan sa kataas sa tubig baha dayon ang kasal sa magtiayon nga sila Jamaica ug Jao Aguilar sa Barasoain Church sa Malolos, Bulacan niadtong Hulyo 22, 2025.
Base sa report, misaka ang tubig sa palibot sa simbahan gabii pa lang sa wala pa ang kasal, ug bisan pa ni-ubos kini pagkabuntag, baha gihapon ang palibot sa simbahan.
Makita sa video nga kuha atol sa maong selebrasyon nga halos muabot sa tuhod ang gilawmon sa tubig apan padayon ang pagsaulog sa maong kasal sa duha ka tawo nga naghinigugmaay.
Matud sa magtiayon, mas lisod pa ang mag-utrog plano sa kasal, busa naka hukom sila nga dayunon nlang kini bisan unsa pa ang kahimtang sa panahon.
Gituohan nilang panalangin sa Ginoo ang ulan, ug taas-taas sab ang ilang pagpangandam ug pagpaabot sa ilang espesyal nga adlaw.
Taliwala sa kadaot sa panahao wala nahimong babag ang baha aron hununong ang pinakaimportanteng adlaw nilang duha ug wala usab napakyas ang mga bisita sa pagksaksi niini.
Gikalipay sab sa duha nga nahimong “unique” o talagsaon ang ilang kasal tungod sa kahimtang sa panahon.
Ang ilang istorya nagpamatuod nga walay makapugong sa gugma.
Matud pa ang baha mapugngan apan walay makapugong sa kon unsay gidekta sa sulod sa dughan.