Dul-an P500,000 nga kantidad sa illegal nga giputol nga mga lawaan hard wood, nakumpiska sa kapulisan aton sa gilusad nga operasyon batok illegal logging sa Sitio Carmen, Butong, Quezon, ning lalawigan.
Base sa nakalap nga impormasyon sa Bombo Radyo Malaybalay, samtang padulong ang mga otoridad sa naasoy nga lugar, ang responsable sa pagpamutol nga gikaingong usa ka babaeng hamtong sa pangedaron, minyo, ug gi-identify nga residente sa maong lugar, kauban sa iyang wala pa mailhing chain saw operator, daling misutoy sa katubhan sa dihang nakamatikod nga padulong ang mga otoridad.
Narekober sa mga otoridad ang illegal nga giputol nga lawaan hard wood nga gibana-banang mukantidad sa P463,560.
Ang mga narekober nga kahoy nga lawaan gidala sa DENR Office sa Don Carlos, Bukidnon alang sa tukmang disposasyon.
Samtang padayon ang imbestigasyon sa kapulisan aron matino ang mga nagpaluyo niining illegal nga kalihukan.