Top 4 Most Wanted sa Rehiyon, nakakustodiya na sa kasong pagpanglugos

Napasakaan na ug kaso ug gipaubos na sa kustodiya sa kapulisan ang top 4 most wanted sa tibuok rehiyon tungod sa seryosong akusasyon sa pagpanglugos, nga wala’y girekomendar nga piyansa.

Gikustodiya na karon sa Lantapan Municipal Police Station (MPS) ang akusado nga si Winston Tanlayon Abello alyas “Awing”, 27 anyos, ulitawo, usa ka trabahante ug residente sa Sitio Kibuda, Barangay Kibangay, Lantapan, Bukidnon.

Nasikop sa kapulisan ang maong akusado niadtong milabayng adlaw Hulyo 23, 2025, alas 4:05 sa susamang lugar. Sa pagkakarun padayon ang otoridad sa  kampanya batok sa mga most wanted aron ipatuman ang hustisya.