Gilauman sa mga katawhan sa syudad sa Malaybalay ang positibong resulta sa mga lakang nga gibuhat sa lokal nga kagamhanan aron masulbad ang nagpadayon nga isyu sa serbisyo sa tubig sa syudad.
Matud ni Jayson Chad Ayala, Konsehal sa syudad sa Malaybalay, nga kasamtangang giistudyohan sa mga opisyalis ang mas labing maayo ang masulosyonan ang palpak nga serbisyo sa PrimeWater.
Samtang miuyon si Ayala sa giluwat sa Mayor nga dili na mangita og masad-an sa maong problema, diin gipangusgan nga mas angayan nga pangitaan dayon og solusyon ang maong isyu.
Bisan pa niana, nagpabilin usab nga dili kombinsido si Konsehal Ayala sa kasamtangang pamaagi sa pagdumala tungod gikaingong nahimong alaot ang lokal nga kagamhanan ug ang katawhan.
Gipasabot sa Kosehal nga dili patas nga ang PrimeWater padayon nga maningil sa serbisyo sa tubig, samtang ang lokal nga kagamhanan maoy mogasto ug naghatag mismo sa supply sa tubig.