Nanawagan ang labor sector sa Region X sa gobyerno nga ipatuman ang mas lig-on nga proteksyon ug polisiya alang sa mga trabahante.
Sa pakighinabi sa Bombo Radyo Malaybalay, gipadayag ni Atty. Proculo Sarmen, legal counsel sa Federation of Free Workers, nga katungod sa mga trabahante ang manawagan sa nasudnong kagamhanan aron ipatuman ang mapuslanong probisyon sa mga polisiya nga mohatag og benepisyo sa mga empleyado.
Gipunting ni Sarmen ang panginahanglan sa hugot nga pagtuman sa labor standards, lakip na ang pagpataas sa sweldo, paghatag og occupational health and safety measures, ug uban pang lakang aron maprotektahan ang mga trabahante sa mga pabrika ug opisina.
Gipasiugda usab ni Sarmen nga ang labing importante nga gisugyot sa International Labor Organization mao ang “Freedom of Association,” nga nag-awhag nga hatagan ug pabor ug prayoridad ang katungod sa mga trabahante sa organisadong panaghiusa ug representasyon.