Supreme Court, gilaoman nga iprayoridad ang desisyon sa 2026 budget

Gilaom nga hatagan og prayoridad sa Korte Suprema ang pagrepaso sa mga isyu kalabot sa 2024 ug 2025 national budget aron dili maapektuhan ang pagpatuman sa nahibiling 2026 budget.

Kini ang gipadayag ni Solicitor General Darlene Marie Berberabe, nga mipunting sa panginahanglan nga masiguro ang padayon nga pagpatuman sa mga programa ug proyekto sa gobyerno.

Gipasabot usab ni Berberabe ang doktrina sa operative fact, diin dili awtomatikong balihon o kanselahon ang mga nahuman nang transaksiyon ug proyekto bisan pa og adunay bahin sa budget nga gideklarang dili uyon sa Konstitusyon.

Ang mga giya nga gilatid sa Korte Suprema gituyo usab aron malikayan ang susamang problema sa umaabot nga mga budget.