Misaad ang House prosecution panel nga itugyan sa Office of the Ombudsman ang mga nakalap nilang ebidensiya batok kang Vice President Sara Duterte kalabot sa tulo ka articles of impeachment nga ilang gibawi, nga may kalabotan sa giingong sayop nga paggamit sa confidential funds, panghiphip ug grave threats.
Matod ni House prosecution panel member Atty. Gerville Luistro, malipayong gidawat sa prosecution ang interes ni Ombudsman Jesus Crispin “Boying” Remulla nga susihon ang mga ebidensiya nga ilang gisumite sa impeachment court.
Gipasalig ni Luistro nga motubag ang prosecution panel sa hangyo sa Ombudsman nga makakuha og kopya sa mga ebidensiya aron masusi ang mga alegasyon batok sa bise presidente.
Samtang niini, nagpadayon ang pagpangandam sa prosecution panel alang sa cross-examination sa mga saksi nga ipresentar sa depensa sa pagpadayon sa impeachment proceedings sa Nobyembre 9.
Gipahibalo usab sa prosecution panel nga andam silang motubag sa hangyo sa Ombudsman alang sa mga rekord ug ebidensiya kalabot sa confidential funds ug bribery.