Dul-an P40 milyong pisong kantidad sa mga gituohang kontrabandong sigarilyo ang nasakmit sa tulo ka managlahing operasyon sa kapulisan sa Misamis Occidental, Zamboanga Sibugay ug Zamboanga del Sur niadtong Oktubre 20 hangtod 21, 2026, diin unom ka indibidwal ang nadakpan.
Sa unang operasyon sa Barangay Silanga, Tangub City, Misamis Occidental, nasakmit ang mga sigarilyong nagkantidad og P6.49 milyon ug gidakop ang duha ka lalaki. Sa laing operasyon sa Barangay Poblacion, Malangas, Zamboanga Sibugay, nakuha ang 100 ka master cases sa nagkadaiyang sigarilyo nga nagkantidad og P5.73 milyon ug gidakop ang usa ka lalaki.
Samtang, tulo pa ka lalaki ang gidakop sa Purok Logpond, Old Labangan, Labangan, Zamboanga del Sur, diin nasakmit ang 448 ka master cases sa mga sigarilyong walay dokumento nga adunay marka nga Modern, lakip ang usa ka puti nga Isuzu wing van.
Gibanabana sa P27.53 milyon ang kantidad sa mga nakumpiskang sigarilyo ug sakyanan.