IBON Foundation, gikuwestiyon ang hinay nga aksyon sa gobyerno sa paghuyang sa piso

Gikuwestiyon sa IBON Foundation ang tubag sa gobyerno sa padayon nga paghuyang sa piso batok sa dolyar tungod sa epekto niini sa presyo sa petrolyo, pagkaon, kuryente ug uban pang batakang panginahanglan.

Matud ni IBON Foundation Executive Director Jose Enrique “Sonny” Africa, kinahanglan palig-onon ang lokal nga agrikultura ug industriya aron mamenosan ang pagsalig sa mga imported nga produkto.

Gipasabot ni Africa nga ang dakong pagsalig sa nasud sa pag-angkat sa lana ug pagkaon nagdugang sa panginahanglan sa dolyar, samtang limitado ang kapasidad sa Pilipinas nga mokita og dolyar.