Andam na ang House prosecution panel sa pag-cross-examine sa mga saksi sa depensa ni Vice President Sara Duterte sa pagpadayon sa impeachment trial sa Senado sa Nobyembre nuebe.
Matud ni kanhi Representative Ace Barbers, nagpadayon ang ilang pagpangandam alang sa pagpresentar sa depensa ug sa pagsusi sa mga saksi niini.
Dugang pa ni Barbers, nag-andam na usab ang prosecution panel sa pormal nga pagtanyag sa ilang mga ebidensiya, lakip ang Statement of Assets, Liabilities and Net Worth o SALN, mga rekord sa Directorate for Intelligence and Records, ug taho sa Anti-Money Laundering Council.
Andam usab ang prosecution panel nga makigtambayayong sa Office of the Ombudsman sa paghatag sa mga dokumentong gikinahanglan alang sa imbestigasyon sa giingong dili maipasabot nga bahandi ni Duterte.
Matud ni Barbers, dili kinahanglan maghulat ang Ombudsman sa ilang mga dokumento aron makapasiugda og kaugalingong imbestigasyon.
Samtang, gilauman ni Barbers nga mahimong mas paspas ang paghuman sa impeachment trial kon magpabilin ang gikatakdang iskedyul sa pagpresentar sa ebidensiya sa duha ka kampo.
Gibutyag niya nga adunay walo ka trial days nga gigahin alang sa ikaduhang artikulo sa impeachment nga may kalabotan sa giingong dili maipasabot nga bahandi ni Duterte.