Mga ebidensiya batok kang VP Sara andam itugyan sa ombudsman sa pag-isyu sa subpoena

Andam ang House prosecution panel nga itugyan sa Office of the Ombudsman ang mga ebidensiya kalabot sa mga alegasyon sa graft, bribery ug grave threats batok kang Bise Presidente Sara Duterte sa higayon nga makadawat na og subpoena gikan sa maong ahensiya.

Giklaro sa prosecution panel nga dili kutob sa impeachment proceedings ang transparency ug accountability, kay kabahin usab niini ang imbestigasyon sa Ombudsman aron matino kung adunay igong basihan sa pagpasaka og kaso batok sa mga nalambigit.

Matud pa sa pahayag, kon makakita ang Ombudsman og igong basihan ug makab-ot ang gikinahanglang kasigurohan sa pagkahukom, mahimo kining mopasaka og kaso sa Sandiganbayan.