Giplano sa House Prosecution Panel nga isumite sa Office of the Ombudsman ang mga ebidensyang nakuha atol sa impeachment trial ni Vice President Sara Duterte aron masusi ang posibleng kriminal nga tulubagon niini, lakip ang kontrobersyal nga paggamit sa confidential funds.
Kini ang tubag sa panawagan ni Ombudsman Jesus Crispin Remulla nga isumite ang mga rekord kalabot sa giingong kwestiyonableng confidential funds sa bise presidente.
Matud pa ni House Prosecutor Representative Joel Chua, gisumite na usab kaniadto sa House Committee on Good Government and Public Accountability ang ilang committee report ngadto sa Ombudsman alang sa angay nga aksyon.
Samtang, gipanghimakak ni Duterte nga tag-iya siya sa usa ka fast-food restaurant franchise.
Matud pa niya, namuhunan lamang siya sa usa ka lehitimong negosyo ug wala kini magpasabot nga iya na ang kompanya o direkta siyang nagdumala sa operasyon niini.