- Advertisement -
Misupak ang Psychological Association of the Philippines sa sugyot nga hingpit nga idili ang paggamit sa social media sa mga menor de edad, ug gihangyo ang mga magbabalaod nga tun-an pag-ayo ang posibleng epekto niini sa mga kabatan-onan.
Ang sugyot nga Safe Media Access and Responsible Technology for Kids in Digital Spaces o SMART Kids Act, nga milusot na sa kataposang pagbasa sa Senado, posibleng makapugong usab sa pagkat-on, pagpahayag sa kaugalingon ug pakig-uban sa mga bata.
Giawhag usab sa grupo ang gobyerno, mga eskwelahan ug mga ginikanan nga magtinabangay sa pagpanalipod sa mga kabataan batok sa mga risgo sa internet, lakip na ang cyberbullying.
- Advertisement -