Gipunting sa prosecution panel ang Article II sa impeachment trial ni Vice President Sara Duterte nga naghisgot sa giingong unexplained wealth, isip estratehiya aron mapalig-on ang ilang presentasyon sa ebidensiya ug malikayan ang dugay nga pagpadayon sa husay.
Gipasabot ni Cong. Robert Ace Barbers, prosecution panel spokesperson, nga naglakip sa ilang ebidensiya ang mga dokumento ug rekord pinansiyal, nga matud pa, mahimong basihan sa mga senator/judge sa pagtimbang-timbang sa alegasyon.
Dugang pa ni Barbers, gikonsiderar usab nila ang kakapoy sa publiko sa dugay nang proseso sa impeachment, hinungdan nga ilang gipili ang estratehiya nga tutokan ang artikulong ilang gituohang adunay lig-on nga ebidensiya.
Giklaro usab sa kongresista nga ang mga dokumento ug rekord nga may kalabotan sa buhis ug mga account sa bangko kabahin sa ilang gipunting nga ebidensiya batok sa bise presidente.