Gipasalamatan ni Pope Leo XIV ang mga Katolikong nagpadayon sa pag-ampo alang sa iyang pagkaayo, sa iyang unang mensahe human sa operasyon tungod sa kanser sa baga.
Sa mensaheng gipadala ngadto sa mga partisipante sa symposium nga nagtimaan sa ika-10 nga anibersaryo sa Amoris Laetitia, gihangyo sa Santo Papa nga ipadayon ang mga pag-ampo alang kaniya, ug misaad usab nga iampo niya sila.
Gipahigayon ang operasyon sa Gemelli Hospital sa Rome, Italy, diin gikuha sa mga doktor ang ubos nga bahin sa iyang tuo nga baga human makumpirma ang lung adenocarcinoma, usa ka matang sa kanser sa baga.
Matud sa iyang mga doktor, gipaabot nga maayo ang pagkaayo sa 71-anyos nga Santo Papa. Nakalakaw na usab siya sulod sa iyang lawak sa ospital samtang nagpadayon ang iyang recovery.
Gikansela sa Vatican ang iyang mga pampublikong kalihokan hangtod Oktubre 20 aron makapahulay ug makaayo.