Upat ka lalaki, nasikop sa drug buy-bust operation

Nasikop ang upat ka lalaki sa kapulisan atol sa anti-illegal drug operation sa Purok 5A, Barangay 9, Malaybalay City, alas 3:23 sa karong adlawa, Oktubre 16, 2026.

Giila ang mga suspek pinaagi sa ilang mga alyas nga Pateo, 33; Dave, 42; Marso, 19; ug Jaw, 33, nga pulos residente sa maong barangay.

Narekober gikan kanila ang pito ka sachet sa giingong shabu nga may gibug-aton nga 3.074 gramos ug gibanabanang kantidad nga ₱20,903, lakip ang ₱500 nga buy-bust money.

Gikustodiya na sa Malaybalay City Police Station ang mga nadakpan ug posibleng atubangon ang kasong paglapas sa Republic Act 9165 o Comprehensive Dangerous Drugs Act of 2002.