Nakaandam ang Department of Social Welfare and Development (DSWD) og 21 mil ka family water filtration kits, lakip ang mga mobile water treatment unit ug water tanker, alang sa mga komunidad nga posibleng makasinati og kakulang sa limpyo nga tubig tungod sa Super El Niño.
Matud sa ahensya, ang mga mobile water treatment unit makahimo sa pagproseso og hangtod sa 2,500 ka litro nga tubig matag oras gikan sa mga balon, suba ug uban pang tinubdan sa tubig.
Prayoridad usab nga matabangan ang mga lokal nga kagamhanan nga nagdeklara o magdeklara og State of Calamity tungod sa hulaw.
Gipahinumdoman sa DSWD ang mga lokal nga kagamhanan nga kinahanglan silang makig-koordinar ug mosumite og hangyo sa dili pa ipadala ang mga kagamitan ug tabang sa ilang lugar.