32 ka mga Bata Patay sa Pagkahugno sa Bubong sa Ilang Tunghaan sa Pakistan

Patay ang 32 ka mga bata human nahugno ang bubong sa Al Khair Public School sa lungsod sa Peshawar, amihanang Pakistan, tungod sa walay hunong nga pag-ulan.

Subay sa opisyal nga taho, ang mga biktima nagpangidaron og sais ngadto sa 14 anyos, kabilang na usab ang usa ka 25-anyos nga babaye nga namatay sa maong trahedya. Dul-an sa 50 ka mga estudyante ang naangol, samtang ang ubang mga bata dali nga giluwas sa mga residente ug mga rescuer human na-trap sa sulod sa nahugno nga edipisyo.

Arestado na sa mga awtoridad ang tag-iya sa eskwelahan samtang padayon ang gihimong lawom nga imbestigasyon aron masuta ang responsibilidad ug ang kaluwasan sa maong istruktura.