Nakabuak og laing rekord sa kasaysayan sa tibuok kalibutan ang iladomg performance artist nga si Lucky Diamond Rich human niini nalabwan ang iyang kaugalingong titulo isip labing pultatats o most tattooed person pinaagi sa pagpatatak og kapin 100% sa iyang tibuok lawas.
Nagsugod ang iyang hilig sa body modification samtang 16 anyos pa lamang kini ug nagtrabaho sa circus.
Apan pag-abot sa pinasahing lebel, gigahin niini ang labaw sa 1,000 ka oras ubos sa dagum sa gatusan ka mga tattoo artist aron hingpit nga matabonan og itom nga tinta ang tanang bahin sa iyang panit—lakip na ang iyang mga tabontabon sa mata, sulod sa dunggan, sa tunga-tunga sa mga tudlo sa tiil, ug bisan ang iyang mga lagos.
Dili pa gani kontento sa maong kompleto nga blackout ink, gipadayon pa ni Lucky ang dili ordinaryong arte pinaagi sa pagpatatak og mga puting disenyo sa ibabaw sa itom nga tinta, ug gisundan pa kini og mga koloradong disenyo sa ibabaw sa puti nga naghimo sa pipila ka bahin sa iyang lawas nga adunay tulo hangtod upat ka layers sa tinta.
Duyog sa iyang gipabinat nga dunggan ug mga ngipon nga gipabayloan og silver veneers, gipadayag ni Lucky nga ang maong talagsaong lakang dili para sa dungog kun dili para sa iyang kaugalingong pagpalambo sa self-esteem ug pagbati og katin-awan sa iyang kaugalingon.