Gipasabot sa Malacañang nga hugot nga bantayan sa administrasyon ang paggahin ug pagpagawas sa ₱7.2 trilyong nasudnong budget aron masiguro nga ang pondo mapadulong sa angay nga mga proyekto ug makatabang sa katawhan, ilabina sa mga pamilyang naglisod tungod sa kataas sa presyo sa mga palaliton.
Matud sa tigpamaba sa administrasyon, kadaghanan sa pondo ang gitakdang ipagawas lamang sa ulahing bahin, ug dili kini mahimong maaprobahan kon kulang o dili husto ang mga dokumentong isumiter ngadto sa Department of Budget and Management (DBM).
Gipasabot usab sa tigpamaba nga ang hugot nga pagsusi sa pondo nakaapekto sa paggasto sa imprastraktura ug sa ekonomiya, busa kinahanglan nga maseguro ang hustong pagpatuman sa mga proyekto ug ang pagpagawas sa pondo sumala sa mga kinahanglanon.