Miusos og usa ka pwesto ang Filipina tennis star nga si Alexandra “Alex” Eala padulong sa World No. 19 sa pinakabag-ong Women’s Tennis Association (WTA) official rankings nga gipagawas karong Lunes, Oktubre 12.
Gikan sa iyang career-high nga World No. 18 niadtong Agosto, aduna na karoy 2,241 puntos ang 21-anyos nga pambato sa Pilipinas human misaka ang Belgian player nga si Elise Mertens ngadto sa No. 14. Bisan pa man niini, gihuptan gihapon ni Eala ang rekord isip tennis player gikan sa Habagatang-Sidlakang Asya nga nakakab-ot sa pinakamataas nga pwesto sa kasaysayan sa WTA Tour.
Sa kasamtangan, gibuksan usab ni Eala ang iyang kampanya sa WTA 1000 Wuhan Open batok sa Chinese qualifier nga si Han Shi sa singles event, samtang makigtambayayong usab siya kang Zeynep Sönmez sa Turkey alang sa doubles event.