Pamilya ni Chris Lorenz Fabian, gipasidunggan pinaagi sa Gawad Makabansa

Gipasidunggan pinaagi sa Gawad Makabansa ang pamilya ni Chris Lorenz Fabian, ang estudyanteng namatay sa pagpamusil sa San Jose National High School sa Tacloban, atol sa ika-91 nga kick-off celebration sa Office of the Vice President.

Gihinumdoman si Fabian tungod sa iyang kaisog sa dihang misulay siya sa pagsira sa pultahan sa classroom samtang nahitabo ang pagpamusil aron mapanalipdan ang iyang mga klasmeyt.

Sumala sa taho, nakatabang ang iyang gihimo sa pagluwas sa kinabuhi sa uban, apan namatay siya sa maong insidente.