Mikunhod sa -11 puntos ang net satisfaction rating ni Presidente Ferdinand “Bongbong” Marcos Jr. niadtong Septiyembre 2026, gikan sa -7 puntos niadtong Hunyo, sumala sa pinakabag-ong survey sa Social Weather Stations (SWS).
Sa resulta sa survey, 35 porsiyento sa mga Pilipino ang natagbaw sa iyang pagdumala, samtang 46 porsiyento ang wala natagbaw ug 20 porsiyento ang wala pa makapili og tubag. Tungod niini, giila sa SWS nga “poor” ang iyang rating.
Sa Mindanao, misaka hinuon og 14 puntos ang net satisfaction rating sa presidente, gikan sa -35 ngadto sa -21.
Gipakita usab sa survey nga 47 porsiyento sa mga Pilipino ang nakahibalo sa iyang State of the Nation Address (SONA), samtang 53 porsiyento ang wala makadungog o makabasa bahin niini.
Nitala usab ang iyang pakigpulong og -11 nga net believability rating, mas ubos kumpara sa -3 nga nakuha niadtong Septiyembre 2025.