Nakab-ot sa Bureau of Internal Revenue o BIR ang 100% nga resolusyon ug compliance rate sa tanang reklamo ug concern sa mga taxpayer nga gipasa ngadto niini atol sa unang unom ka bulan sa 2026.
Base sa datos gikan Enero hangtod Hunyo, nakadawat ang BIR og 778 ka referral pinaagi sa Presidential 8888 Citizens’ Complaint Center, ug ang tanang referral naaksyunan ug nasirado sulod sa gitakdang 72 oras.
Gidayeg ug gipasalamatan ni BIR Commissioner Charlito Martin R. Mendoza ang mga kawani sa ahensya tungod sa hapsay ug paspas nga pagtubag sa mga reklamo ug panginahanglan sa publiko.
Nakab-ot usab sa BIR ang 100% nga resolusyon sa 59 ka kaso ug 17 ka reklamo nga gipasa pinaagi sa Contact Center ng Bayan o CCB sa Civil Service Commission.
Matud sa BIR, kabahin kini sa ilang paningkamot nga mapalambo ang serbisyo ngadto sa mga magbubuhis pinaagi sa paspas, hapsay ug kasaligan nga pag-atiman sa ilang mga concern.