Giangkon sa Barangay Dalwangan nga dili pa hingpit nga masulbad sa moratorium ang problema sa langaw ug baho sa ilang lugar tungod kay daghan na ang naglungtad nga poultry ug piggery.
Matud ni Kapitan Royville C. Pasco sa maong barangay, mokabat sa lima ang piggery ug 10 hangtod 12 ang poultry sa Barangay Dalwangan.
Tungod niini, giingon niyang kinahanglan nga tutokan usab ang mga lakang sa pagminus sa langaw ug bahoGiklaro sa kapitan nga bisan mapahunong ang pagpalapad sa mga poultry ug piggery, magpabilin gihapon ang mga kasamtangang operasyon nga mahimong tinubdan sa langaw ug baho. Â
Matud pa ni Kapitan Pasco, mas angay nga pahugtan ang mga lakang aron maminusan ang epekto sa langaw ug baho nga dugay nang reklamo sa mga residente.
Samtang, gisulti usab niini nga nasabtan usab niya ang tumong sa moratorium nga dili na una dugangan ang problema samtang wala pa masulbad ang kasamtangang reklamo.