Upat ka wanted person ang nadakpan sa kapulisan sa managlahing operasyon sa Bukidnon niadtong milabay’ng adlaw, tungod sa lain-laing kaso. Una nga nadakpan ang 25-anyos nga si Jonathan Linog Dureza Jr. sa Barangay Angga-an, Damulog, tungod sa paglapas sa R.A. 9287 o Anti-Illegal Numbers Games Act.
Sa Manolo Fortich, nadakpan usab si 41-anyos nga Gomer Abunda Sabut sa BJMP sa Barangay Tangkulan tungod sa paglapas sa R.A. 7610 o Special Protection of Children Against Abuse, Exploitation and Discrimination Act.
Samtang, nadakpan sa Kalilangan, nasikop ang 21-anyos nga si Jonalodin Omam alyas George, nga gipangita tungod sa kasong robbery ug adunay girekomendang piyansa nga 100 mil pesos.
Sa Valencia City, nadakpan usab ang 32-anyos nga Gilbert Quirino Lustro tungod sa paglapas sa Section 5 ug 11, Article II sa R.A. 9165 o Comprehensive Dangerous Drugs Act, nga walay girekomendang piyansa.
Sa pagkakaron ang upat ka dinakpan anaa na sa kustodiya sa tagsa-tagsa ka police unit alang sa dokumentasyon ug hustong disposisyon.