Mitaliwan na sa edad nga 57 ang American comedian ug aktor nga si Reggie McFadden. Gikumpirma sa iyang igsoon nga si Bernice ang pagpanaw ni McFadden samtang didto kini sa Tanzania.
Wala na maghatag og dugang detalye ang pamilya bahin sa hinungdan sa iyang kamatayon.
Kapin 18 ka tuig nang nagpuyo si McFadden sa Tanzania human siya mibalhin didto tungod sa panagbangi sa iyang pamilya. Natawo ug nidako siya sa Brooklyn, New York, diin siya nagsugod isip stand-up comedian ug unang napakita sa telebisyon pinaagi sa “Def Comedy Jam.”
Mibalhin usab siya sa Los Angeles aron ipadayon ang iyang acting career ug nakasalmot sa mga serye sama sa “Martin,” “Hangin’ With Mr. Cooper,” “Moesha,” ug “Coach.”
Nakakupot usab si McFadden og mga papel sa mga pelikula sama sa “Jacob’s Ladder” ug “Little Nicky.”