- Advertisement -
Gipildi sa Philippine Men’s National Football Team ang Thailand, 2-1, sa FIFA ASEAN Cup 2026 nga gipahigayon sa Si Jalak Harupat Stadium sa Indonesia.
Misulod ang duha ka goal sa Pilipinas pinaagi kang Bjorn Kristensen sa ika-3 ug ika-68 minutos sa duwa. Ikatulong higayon na kini nga nakadaog ang Pilipinas batok sa Thailand, human sa ilang kataposang panagsangka niadtong 2024.
Bisan pa sa kadaugan, wala makasulod ang Pilipinas sa medal rounds human makakuha lamang og ikatulong pwesto sa Group B nga adunay upat ka puntos gikan sa usa ka daog, usa ka pildi ug usa ka tabla.
- Advertisement -