Nagpabilin nga buhi ug daling gidala sa ospital ang usa ka death row inmate nga si Christa Pike sa Tennessee, United States, matapos napakyas ang iyang execution bisan pa man kaduha kini gijeksiyonan og lethal injection.
Gihatagan si Pike, 50 anyos, og duha ka dosis sa pentobarbital diha sa execution chamber, apan nagpabilin kini nga naglihok ug naginhawa matapos ang maong mga pag-injek, diin nagsumite dayon og emergency motion ang iyang mga abogado sa korte aron ipaundang ang maong proseso tungod sa pagpanakit nga iyang nasinati.
Si Pike gipatawan og silot nga kamatayan sukad pa niadtong tuig 1996 may kalabutan sa pagpatay sa iyang 19-anyos nga klasmeyt nga si Colleen Slemmer noong 1995 sa Knoxville, Tennessee. Tungod sa maong kapakyasan, nagpagawas og mando si Tennessee Governor Bill Lee nga ipailalom sa opisyal nga imbestigasyon ang maong insidente ug pormal nga gipaundang ang tanang nahabilin nga executions sa maong estado alang sa tibuok tuig 2026.