Naangol ang usa ka 40-anyos nga lalaki matapos gidunggab sa iyang 45-anyos nga igsoon taliwala sa usa ka panaglalis diha sa Purok 4, Sitio Guan, Barangay Batangan, Valencia City, Bukidnon kagahapong adlawa, mga alas 2:40 sa kaadlawon.
Nigawas sa imbestigasyon sa Valencia City Police Station nga human sa ilang paglalis, miuli ang suspek sa iyang balay, nikuha og kutsilyo, ug mibalik sa dapit diin iyang gidunggab ang biktima sa wala nga bahin sa ilok niini.
Daling gidala ang biktima sa Valencia City Polymedic Hospital diin anaa na kini sa luwas ug stable nga kahimtang. Sa laing bahin, nadakpan sa mga nagresponde nga polis ang suspek diha sa iyang puloy-anan ug gitanggong na karon sa Valencia CPS samtang padayon ang imbestigasyon aron matino ang motibo sa maong insidente.