Posibleng dili na ipresenta sa House prosecution panel ang mga ebidensya alang sa bribery charge batok kang Vice President Sara Duterte kon magkuwang ang oras sa impeachment trial sa wala pa sugdi sa Senado ang pagtuki alang sa 2027 national budget.
Gipahayag sa spokesperson sa prosecution team nga si Atty. Benjamin Tolosa Jr. ug Deputy Speaker Paolo Ortega V nga tinguha sa panel nga matapos ang pagpresenta sa ilang mga ebidensya sa tunga-tunga sa Oktubre. Kini aron dili maatol sa igahin nga dako nga bahin sa oras sa Senado alang sa pagtuki sa giproponer nga ₱7.2-trilyon nga badyet sa nasud alang sa sunod tuig.
Bisan pa man kon wala pa’y katapusan nga desisyon bahin sa pormal nga pag-atras sa maong charge, giingon nga giisip kini nga least priority ug posibleng opsyon sa prosecution aron malikayan ang pagkalangan sa kinatibuk-ang dagan sa impeachment trial.