Gikatakda nga magpadala ang North Korea og 30,000 ka mga sundalo aron motabang sa Russia sa gubat niini batok sa Ukraine.
Base sa impormasyon nga gisibya sa Ukrainian Intelligence Office, posible nga moabot ang kadaghanon sa mga sundalo sa sunod nga buwan.
Kainumdumam nga niadtong Nobyembre sa milabay nga tuig, nagpadala ang North Korea og 11,000 ka sundalo nga mitabang sa pagsakop sa Kursk region sa Ukraine.
Sa maong insidente, kapin sa 4,000 ka mga sundalo sa North Korea ang namatay.
Dugang pa sa Ukrainian Intelligence Agency, adunay eroplano nga sakop sa Russia nga ilang nakita sa border sa Siberia, diin gahakot og mga sundalo nga gikan sa North Korea.
Tungod niini, padayun ang hangyo ni President Volodymyr Zelensky sa mga kaalyado nga nasud sa suporta nga militar sa ilang nasud.