Dakpan ang usa ka 21-anyos nga lalaki nga giila sa alyas nga “Arman,” usa ka street-level individual, atol sa drug buy-bust operation nga gipahigayon sa kapulisan niadtong milabay’ng adlaw sa Purok 6A, North Poblacion, Maramag, Bukidnon.
Narekober gikan sa operasyon ang lima ka heat-sealed plastic sachets nga gituohang shabu, nga adunay kinatibuk-ang gibug-aton nga lima ka gramo ug gibanabanang kantidad nga ₱34,000.
Nakumpiska usab ang pipila pa ka ebidensya.
Gi-andam na ang mga kaso batok sa suspek tungod sa paglapas sa Sections 5 ug 11, Article II sa Republic Act No. 9165.
Ang mga nakumpiskang drug items gidala sa Bukidnon Provincial Forensic Unit alang sa qualitative ug quantitative examination, samtang ang suspek anaa na sa kustodiya sa Maramag Municipal Police Station alang sa dokumentasyon ug hustong disposisyon.