Gihangyo sa Supreme Court si Ombudsman Jesus Crispin “Boying” Remulla nga pormal nga i-file ang iyang mga alegasyon batok sa judiciary , lakip ang mga ebidensya, aron mahatagan og higayon ang korte nga masuta ang kamatuoran.
Gipadayag ni Remulla nga daghang kaso nga gi-dismiss sa Office of the Ombudsman ang gibali sa Court of Appeals, nga matod niya usa na kini ka makapaluya nga sitwasyon sulod sa institusyon.
Matod sa Supreme Court, seryoso nilang gitagad ang mga alegasyon sa bias, misconduct ug korapsyon, apan dili kini maaksyonan kung kutob lamang sa public statements.
Gipangutana usab ni Remulla ang accountability sa hudikatura ug ang kabag-ohan sa pagpadagan sa mga kaso, ilabina sa katulin sa proseso sa hustisya.
Sa katapusan, miuyon ang Supreme Court nga ang mga proseso sa korte sa tanang lebel kinahanglan usab mahimong accountable sa publiko.