Giandam na sa Supreme Court ang 2026 Bar Examinations nga himuon sa 15 ka local testing centers sa Luzon, Visayas ug Mindanao.
Ang eksaminasyon magsugod sa Septiyembre 6 ug ipadayon sa Septiyembre 9 ug 13.
Gipatin-aw ni Atty. Alan Panulong ang pag-andam sa Supreme Court ug ang papel sa Integrated Bar of the Philippines isip oversight partner aron mamonitor ang eksaminasyon ug mapugngan ang leaks, cheating ug uban pang unethical practices.
Gipahayag ni Panulong nga ang regionalization sa Bar Exams makatabang sa mga examinee, ilabina kadtong gikan sa Mindanao, Visayas ug mga probinsya nga adunay limitado nga budget, tungod kay dili na kinahanglan nga mobiyahe pa paingon sa Metro Manila.
Gilauman usab ang suporta sa mga law school ug IBP chapters pinaagi sa support desks, food stations ug emergency assistance alang sa mga examinee atol sa exam days.
Nanawagan si Panolong sa mga bar examinee nga magpabiling kalmado, dili magpanic ug mag-ampo samtang nagkaduol ang eksaminasyon, ug mosalig sa ilang mga nakat-onan.