Balhog sa bilanggoan ang duha ka Top Most Wanted Person sa Bukidnon human nasikop sa managlahing operasyon sa kapulisan ning lalawigan.
Una nga nadakpan si Marjun Arcayan Calustre, 38-anyos, nga giilang Top 4 Most Wanted Person sa provincial level ug Top 2 sa municipal level, sa Barangay Miaray, Dangcagan.
Gi-isyu ang warrant of arrest batok niini alang sa kasong rape by sexual assault nga adunay homicide, ug walay rekomendang piyansa.
Samtang, nadakpan usab sa Barangay Mailag, Valencia City si Leo Jacinto, 73-anyos ug diin nailhan sa kapulisan Top 5 Most Wanted Person sa provincial level, tungod sa kasong qualified rape, nga wala usab girekomendang piyansa alang sa temporaryong gakawasan niini.
Ang duha nakustodiya na karun sa kapulisan alang sa dokumentasyon ug hustong disposisyon.